बालहट्ट

पापा घेउन दया मला लाल लाल फुगा
मोठ्या मोठ्या चांदण्याचा निळाशार झगा

गोबर्या गोबर्या गालाचा किती सुंदर टेडी
रिमोट दाबताच फ़र फ़र करत विमान हे उडी
शेजारच्या पिंकीकड़े आहे असाच घोडा
स्प्रिंगसारखा नाचतो यो यो, हळूच त्याला सोडा
बार्बी साथी शोधू का रे दॆखणासा सगा

चला जाऊ बागेत, तेथे आहे झुला
बदका सोबातच्या शर्यतित जिंकायचे मला
गार गार आईस्क्रिमची मज्जा आहे खास
गरम गरम पॉपकॉन्रचा येतो आहे वास
टांगेवाले काका आहेत का ? हे जरा बघा

खोट नका सांगू, तुला आज होती सुट्टी
तक्रार नका करू, नाही हो मी हट्टी
देते चॉकलॆटची पप्पी, तुझी मी रे साय
कडेवर घे आता, थकले माझे पाय
रात्री गोष्ट सांगत नेशील ना परिंच्या जगा